ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐊᓪᓚᕝᕕᖓ ᓴᖅᑭᖅᑎᑕᐅᓯᒪᔪᖅ

ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᖁᔭᖓᓐ

  • ᐊᑐᖅᑐᐊᖅᑎᑦᑎᔪᑦ ᐊᑐᖅᑐᐊᖅᑐᓪᓗ ᓴᐳᔾᔨᔭᒃᓴᐅᓯᒪᒍᑎ ᒪᑯᓇᙵ:
  • ᐊᑐᐃᓐᓇᐅᑎᑦᑎᓂᖅ ᑐᓴᖅᑕᐅᔭᕆᐊᓕᖕᓂᑦ
  • ᖃᐅᔨᓴᕐᓂᖅ ᓈᒻᒪᒍᓐᓃᕐᓯᒪᔪᒥᑦ ᑕᒪᒃᑮᕐᓄᑦ ᖃᓄᖅᑑᕈᑕᐅᔪᓂᑦ ᓇᓂᓯᒐᓱᐊᕐᓂᖅ
  • ᓈᓚᑦᑎᑦᑎᓂᖅ ᓇᓗᓇᐃᕈᑎᐅᔪᑦ ᓴᖅᑭᑕᒃᓴᐅᓂᖏᓐᓄᑦ
  • ᑎᓕᓯᔾᔪᑎᒃᓴᐅᔪᑦ ᖃᓄᖅᑑᕈᑕᐅᓗᑎᑦ ᐊᑐᖅᑐᐊᑎᑦᑎᔨᓄᑦ ᐊᑐᖅᑐᐊᖅᑐᓄᓪᓗ

ᐊᒥᓲᓂᖅᓴᐅᔪᑦ ᐋᔩᖃᑎᒋᒍᑎᐅᓗᑎᑦ ᐊᑐᖅᑐᐊᖅᑎᑦᑎᔨᓄᑦ ᐊᑐᖅᑐᐊᖅᑐᓄᓪᓗ ᐊᖏᖃᑎᒌᒍᑕᐅᓂᕐᓴᐅᓲᖑᕗᑦ, ᑭᓯᐊᓂᑦᑕᐅᖅ ᐃᓚᖏᑦ ᑎᓕᔭᐅᓯᒪᒋᐊᒃᑲᓐᓂᕆᐊᖃᓲᖑᕗᑦ.  ᐃᑲᔪᖅᑕᐅᒍᒪᒍᕕᑦ ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨᖓᓐᓄᑦ ᐊᑲᐃᙱᓕᐅᕈᑎᖃᓕᕐᓂᕈᕕᑦ, ᑕᑕᑎᑦᑎᔪᓐᓇᖅᑐᑎᑦ ᑐᑦᓯᕋᐅᑎᖕᒥᑦ.  ᐅᕙᓂᓪᓗ ᐃᑭᐊᖅᑭᕕᖕᒥᑦ ᑐᑦᓯᕋᐅᑎᖕᒥᑦ ᐊᑐᐃᓐᓇᖅᑕᖃᕐᑐᖅ ᐊᑐᖅᑐᐊᖅᑎᑦᑎᔨᓄᑦ ᐊᑐᖅᑐᐊᖅᑐᓄᓪᓗ.

  • ᖃᖓᑐᐃᓐᓇᖅ ᑐᑦᓯᕋᐅᑏᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨᖓᓐᓄᑦ ᐱᓯᒪᔭᐅᓕᕈᓂ ᐃᒪᐃᒍᓐᓇᕐᓂᖃᕐᑐᖅ:
    • ᑐᑭᓯᒋᐊᒃᑲᓐᓂᕈᒪᒍᓐᓇᕐᑐᖅ ᐊᑲᐃᙱᓕᐅᕈᑎᐅᔪᒧᑦ, ᑕᕝᕙᓂ ᑕᑯᓂᐊᒍᒪᑐᐃᓐᓇᕆᐊᓕ ᓇᔪᒐᐅᔪᒥᑦ
    • ᐅᖃᖃᑎᖃᕐᓗᓂᓪᓘᓐᓃᑦ ᖃᐅᔨᒪᔪᖃᕈᓂ ᑐᓴᖅᑕᐅᔭᕆᐊᓕᖕᒥᑦ
    • ᐊᖅᑯᑕᐅᓗᓂ ᐊᑐᖅᑐᐊᖅᑎᑦᑎᔪᑦ ᐊᑐᖅᑐᐊᖅᑐᓪᓗ ᐊᑲᐃᙱᓕᐅᕈᑕᐅᔪᖅ ᐊᖏᖃᑎᒌᒍᑕᐅᔪᓐᓇᕐᒪᖔᑦ ᑲᑎᖃᑎᒋᖃᑦᑕᕐᓗᒋᑦ
    • ᓈᓚᑦᑎᑎᓐᓂᖃᕐᓗᓂ ᑐᓴᖅᑕᐅᔭᕆᐊᓕᕐᑐᖃᕐᐸᑦ ᑕᒪᒃᑮᖕᓂᑦ
    • ᑎᓕᓯᔾᔪᑎᖕᒥᑦ ᑎᓕᓯᓗᓂ ᑲᔪᓯᑎᑕᐅᒍᓐᓇᕐᓗᓂ ᓄᓇᕗᑦ ᐃᖅᑲᕐᑐᐃᓐᓂᓕᕆᔨᒃᑯᖏᓐᓂᑦ

ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨᖓᑦ ᓈᓚᖕᓂᓇᖃᕐᓂᖓᑦ ᐱᔭᕆᐊᑭᑦᑑᓲᖑᕗᖅ ᐊᓪᓛᑦ ᐅᖄᓚᐅᑎᒃᑯᑦ ᓈᓚᖕᓂᓇᖃᒍᓐᓇᓲᖑᓪᓗᓂ.  ᓇᒻᒥᓂᖅ ᓴᐳᔾᔨᔨᖃᕆᐊᑐᖏᑦᑐᑎᑦ, ᑭᓯᐊᓂ ᐃᓱᒪᓐᓂᑦ ᐃᓱᒪᖅᓱᖅᑎᑕᐅᓪᓗᑎᑦ ᓴᐳᔾᔨᔨᖃᕈᒪᒍᕕᑦ ᓇᒻᒥᓂ ᓴᐳᔾᔨᔨᖃᒍᓐᓇᖅᑐᑎᑦ.  ᐅᐸᖁᔭᐅᓯᒪᒍᕕᑦ ᐸᐃᑉᐹᖅᑕᕐᑎᑕᐅᓪᓗᑎᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐊᓪᓚᕝᕕᖓᓐᓃᖔᕐᑐᒥᑦ ᓈᓚᖕᓂᖃᓂᐊᕐᓂᕐᒥᑦ, ᐅᐸᒍᑎᒋᐊᖃᓪᓚᕆᑦᑐᑎᑦ.

ᐅᐸᒍᑎᙲᓇᖅᓯᒪᒍᕕᑦ ᓈᓚᖕᓂᖃᖅᑎᓪᓗᒍ, ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨᖓᓐ ᐃᓱᒪᓕᐅᒍᓇᕐᑐᖅ ᑕᐃᑲᓃᖏᒃᑲᓗᐊᖅᑎᓪᓗᑎᑦ ᐊᒻᒪᓗ ᑐᓴᖅᑕᐅᔭᕆᐊᖃᖅᓱᒋᔭᑎᑦ ᑐᓴᖅᑕᐅᓚᐅᖏᒃᑲᓗᐊᖅᑎᓪᓗᒋᑦ.  ᓈᓚᖕᓂᖃᕐᓂᐊᕐᓂᕐᒧᑦ ᑐᑭᓯᐅᒪᒋᐊᕈᑎ ᓇᓗᓇᐃᔭᐃᖅᓯᓯᒪᒐᔭᕐᑐᖅ ᓇᒥ ᐊᒻᒪᓗ ᓯᖅᑭᖑᔭᖅ ᓇᒧᙵᖅᑲᑦ ᖃᖓᐅᒐᔭᕐᒪᖔᕐᓗ.  ᐃᖅᑲᐅᒪᒋᐊᕐᓗᑎᑦ ᓴᖅᑭᑕᒃᓴᐅᓱᒋᔭᑎᑦ ᐱᓯᒪᒐᔭᖅᑲᑎᑦ ᐃᕝᕕᑦ ᑐᓴᖅᑕᐅᖁᔭᖏᓐᓂᑦ ᑐᑭᓯᐅᒪᒋᐊᒃᑲᓐᓂᕈᑎᐅᒐᔭᕐᒪᑕ.

ᓈᓚᖕᓂᐅᔪᖅ ᐅᖄᓚᐃᑎᒃᑯᑦ ᑲᒪᒋᔭᐅᕆᐊᖃᕈᓂ, ᒪᑯᐊ ᐱᒻᒪᕆᐅᔾᔪᑕᐅᓂᖏᑦ ᓱᒃᑲᔪᒃᑯᑦ ᖃᕆᑕᐅᔭᒃᑯᓪᓘᓐᓃᑦ ᓯᕗᒧᐊᖅᑎᓪᓗᒋ ᐆᒧᖓ ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᕝᕕᖓᓐᓄᑦ ᐱᒋᐊᓚᐅᖅᑎᓐᓇᒍ ᓈᓚᖕᓂᐅᔪᖅ.  ᑕᐃᒪᓕ ᐅᐸᒍᑎᒍᓐᓇᖏᑦᑑᒍᕕᑦ ᓈᓚᖕᓂᕐᒧᑦ, ᐅᖄᓚᕕᒋᓯᒪᔭᕆᐊᓖᑦ ᑐᐊᕕᐊᕆᓗᒍ ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᕝᕕ ᐊᐱᕆᓗᑎᑦ ᐅᖓᕝᕙᒋᐊᖅᑕᐅᒍᓐᓇᕐᒪᖔᑦ ᓈᓚᖕᓂᐅᔪᖅ.

ᖃᖓᑐᐃᓐᓇᖅ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨ ᑎᓕᓯᔾᔪᑎᖕᒥᑦ ᐃᓱᒪᓕᐊᕆᓯᒪᔭᖓᓐᓂᑦ ᓇᓗᓇᐃᖅᓯᑉᐸᑦ, ᓈᓚᑦᑕᐅᑦᓯᐊᕆᐊᓕ.  ᑭᓯᐊᓂᑦᑕᐅᖅ ᐃᓱᒪᒋᔭᖃᕈᕕᑦ ᐃᓱᒪᓕᐊᖑᓯᒪᔪᖅ ᑕᐃᒫᑦᓯᐊᖑᖏᒋᐊᖓ ᐅᕗᖓ ᐅᓐᓂᕐᓘᑕᐅᔪᒥᑦ ᖁᑦᓯᕐᓂᖅᓴᒧᑦ ᓄᓇᕗᑦ ᐃᖅᑲᕐᑐᐃᕕᓕᕆᓂᒃᑯᖏᓐᓄᑦ ᑎᑎᖃᕐᓂᑦ ᐃᖅᑲᖅᑐᐃᕕᖕᒧᐊᖅᑎᕐᓯᔪᒪᒍᓐᓇᖅᑐᑎᑦ.

ᐱᓇᓱᐊᕈᓰᑦ ᒪᕐᕉᒃ (ᐅᓪᓗᐃᑦ 14) ᖄᖏᐅᑎᑦᑕᐃᓕᓯᒪᒋᐊᓖᑦ ᐅᓐᓂᕐᓘᑕᐅᔪᒥᑦ ᖁᑦᓯᕐᓂᖅᓴᒧᑦ ᓄᓇᕗᑦ ᐃᖅᑲᕐᑐᐃᕕᓕᕆᓂᒃᑯᖏᓐᓄᑦ ᑎᑎᖅᑲᓕᐊᑎᑦ ᐅᕙᖓ ᐅᓪᓗᐃᑦ ᐱᒋᐊᖓᕐᓂᖃᓪᓗᑎᑦ ᐃᓱᒪᓕᐊᕈᑎᐅᒐᓐᓂᕈᑖᓂ, ᐊᒥᓱᓕᐅᖅᓯᒪᔪᓂᑦ ᐅᓐᓂᕐᓘᑕᐅᔪᒥᑦ ᖁᑦᓯᕐᓂᖅᓴᒧ ᓇᓗᓇᐃᔭᐅᖕᒥᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐱᓕᕆᔨᖓᓐᓄᑦ ᐅᑯᐊᓗ ᐃᓚᒋᔭᐅᔪᑦ ᑖᒃᑯᓇᙵᑦ ᑐᓴᖅᑎᒋᐊᓕᑎᑦ.

ᐃᖅᑲᖅᑐᐃᔨ ᓇᓕᒻᒧᖔᒐᕈᓐᓇᖅᓱᓂ ᑎᓕᓯᔾᔪᑦ ᓄᖅᑲᖓᑎᑲᐃᓐᓇᕐᓗᓂᐅᒃ ᐅᕝᕙᓘᓐᓃᑦ ᐃᓱᒪᓕᐊᖑᓯᒪᔪᖅ ᑲᔪᓯᑎᖏᑲᐃᓐᓇᕐᓗᒍ ᐅᑯᐊ ᐅᓐᓂᕐᓘᑕᐅᔪᑦ ᖁᑦᓯᕐᓂᖅᓴᒃᑯᑦ ᑐᓴᖅᑕᐅᓚᐅᖄᕋᑎ.  ᐃᖅᑲᖅᑐᐃᔨ ᓇᓗᓇᐃᕈᑕᐃᔪᓂᑦ ᑐᓴᖅᑎᑕᐅᒍᓐᓇᖅᓱᓂ ᐅᓐᓂᕐᓘᑕᐅᔪᑦ ᖁᑦᓯᕐᓂᖅᓴᒃᑯᑦ ᑲᒪᒋᔭᐅᓂᖓᓐᓂᑦ. ᐃᖅᑲᖅᑐᐃᔨ ᐊᖏᖃᑎᖃᒍᓐᓇᕐᓱᓂ ᐅᓐᓂᕐᓘᑕᐅᔪᒥᑦ ᖁᑦᓯᕐᓂᖅᓴᒃᑯᑦ, ᐊᓯᔾᔩᓗᓂᕐᓘᓐᓃᑦ ᐊᒻᒪᓗ ᐲᖅᑎᑦᓯᒍᓐᓇᕐᓱᓂ ᑎᓕᓯᔾᔪᑎᐅᓯᒪᔪᒥᑦ ᐃᓱᒪᓕᐊᕆᔭᐅᓯᒪᔪᒥᓪᓘᓐᓃᑦ, ᐅᕝᕙᓘᓐᓃᑦ ᐃᖅᑲᖅᑐᐃᔨ ᐃᒪᐃᓕᖓᖔᒍᓐᓇᕐᒥᔪᖅ ᐲᖅᑎᓪᓗᒍ ᐅᓐᓂᕐᓘᑎᒋᔭᐃᑦ ᖁᑦᓯᕐᓂᖅᓴᒃᑯᑦ.

ᐅᕗᖓ ᐅᖃᕐᕕᖃᒍᓐᓇᖅᑐᑎᑦ:

ᐃᓪᓗᓐᓂᑦ ᐊᑐᖅᑐᐊᖅᑐᓂᑦ ᐊᑐᖅᑐᐊᖅᑎᑦᑎᔨᓄᓪᓗ ᐊᓪᓚᕝᕕᖓ

1106 ᐃᓄᒃᓱᒐᐃᑦ ᐃᓪᓗᐊᓗ (ᖁᓛᓂ 4)

ᑎᑎᖅᑲᖃᐅᑎᖓ 1000, ᓇᓗᓇᐃᒃᑯᑕᓕᒃ 590

ᐃᖃᓗᐃ, ᓄᓇᕗᑦ

X0A 0H0

ᐅᖄᓚᐅᑎᑦᑕ ᓇᒻᒪᖓ: (867)975-6314

ᐊᑭᖃᙱᑐᒃᑯᑦ: 1(877)279-2331

ᓱᒃᑲᔪᒃᑯᑦ: (867)975-6367

ᖃᕆᑕᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ: This email address is being protected from spambots. You need JavaScript enabled to view it.